Közetküchi ilshat hesen ependi xitay terepdari muhajir ablimit sadiqning pikirlirige baha berdi

Awstraliyediki xitay terepdari muhajir ablimit sadiq muxbirimiz bilen ötküzgen söhbiti dawamida, Uyghur rayonidiki mesililerning, xitay hökümiti bilen qarshilishish sheklide emes, hökümetke boysunush we hökümetke mesililerni siliq yol bilen melum qilish arqiliq hel bolushi kéreklikini ilgiri sürdi, emma u rayonda mesile otturigha qoyushning mumkinchiliki bolghan birer yolini körsitip bérelmidi.

Ablimit sadiqning sözliri üstide pikir bayan qilghan amérikidiki siyasiy közetküchi ilshat hesen ependi ablimit sadiqning xitay bilen bolghan munasiwitini saqlash üchün heq-naheqni astin-üstün qiliwatqanliqini, hetta rast gep qilishtin ibaret eqelliy exlaq ölchiminimu bir chetke qayrip qoyup qarisigha jöylüwatqanliqini bildürdi.