Xitay démokratik partiye-guruhliri shi jinping dewridiki siyasiy yönilishni muhakime qildi

Yéngi ewlad xitay rehberlik qatlimining wekili shi jinpingning hakimiyetni igilishidin kéyinki xitayning kelgüsi weziyiti, bolupmu eng muhim hésablinidighan siyasiy islahat mesilisi xelq'ara jem'iyet we xitay xelqi yéqindin diqqet qiliwatqan nuqtilardur.

Bo shiley weqesi we arqidin shi jinpingning üch hoquqni biraqla igilishi chet'ellerdiki xitay démokratik partiye-guruhliri we öktichi ziyaliyliri arisida xitayning kelgüsi siyasiy weziyiti,jümlidin démokratiylishishi mesilisi heqqide türlük bes-munazire, tesewwur hem texminlerning meydan'gha kélishige seweb boldi.

31-Mart we 1-aprél künliri shtabi amérikigha jaylashqan xitay sotsiyal démokratlar partiyisi nyu-york shehiride özining 3-qurultiyini achqan hemde bashqa démokratik partiye we guruppilar bilen di'alog we söhbet pa'aliyiti ötküzgen bolup, bu pa'aliyetke Uyghurlargha wakaliten amérika Uyghurliri birlikining mu'awin re'isi ilshat hesen ependimu qatniship, Uyghur mesililirini tonushturdi.

Awaz ulinishidin, muxbirimizning ilshat hesen ependi bilen ötküzgen bu heqtiki söhbitini anglaysiler.