Shiwétsiye bash ministirining kilimat yighinida xitayni tenqid qilishi ikki dölet otturisidiki munasiwetke qandaq tesir körsiter?

Ixtiyariy muxbirimiz erkin tarim
2015-12-03
Élxet
Pikir
Share
Print
Zawut-karxanilardin chiqqan is-tütekte bulghan'ghan sheher muhiti. 2008-Yili 21-dékabir. Qumul.
Zawut-karxanilardin chiqqan is-tütekte bulghan'ghan sheher muhiti. 2008-Yili 21-dékabir. Qumul.
AFP

Birleshken döletler teshkilatining kilimat aliy yighinida shiwétsiye bash ministiri sitéfan lupwen xitaydiki kilimat bulghinishini tilgha élip, xitay hökümitini tenqid qilghan.

Bu xewerge shiwétsiye metbu'atliri orun bérip, shiwétsiye bash ministiri burundin tartip xitayni ayap kelgen idi, bu qétim néme üchün eyiblidi? rastinila xitayda kilimat bulghinishi barmu? dep yazghan. Bu xewerni b b s mu élan qilghan. Shiwétsiyede yashawatqan Uyghur ziyaliysi abdulla kökyar ependi bergen melumatqa asaslan'ghanda, mutexessisler parizhda kilimat yighini échiliwatqan mezgilde béyjingda yüz bergen hawa bulghinish ehwali üstide tekshürüsh élip barghan.

Abdulla kökyar ependi kilimat bulghinishining xitay paytexti béyjingda we oxshashla Uyghur rayonida éghirliqini otturigha qoydi. U, bundaq bir weziyette Uyghur mutexessislerningmu xitaydiki hawa bulghinishi toghrisida dunyadiki herqaysi döletlerning hökümetlirige bu heqte doklat teyyarlap sunushi kéreklikini tekitlidi.
Uzun yillardin béri shiwétsiyede yashawatqan dunya Uyghur qurultiyi bayanatchisi dilshat rishit ependi, shiwétsiye bilen xitay otturisidiki soda munasiwetning yaxshi ikenlikini, emma shiwétsiyening insan heqliri we démokratiye qimmet qarishigha ige dölet ikenlikini, shiwétsiye hökümiti xitay bilen bolghan soda munasiwetni dep kilimat bulghinishqa qarap turmaydighanliqini bildürdi.

Firansiyening paytexti parizhda ötküzülüwatqan 147 döletning dölet bashliqliri we hökümet rehberliri qatnishiwatqan kilimat yighini 30-noyabir künidin 11-dékabir künigiche dawamlishidiken.

Awaz ulinishidin bu söhbetning tepsilatini anglighaysiz.

Toluq bet