Adriyan zéniz ependi bilen “Uyghur sot kollégiyesi” ning hökümi heqqide söhbet

9-Dékabir küni dangliq kishilik hoquq adwokati jéfféri nayis bashchiliqida en'gliyening london shehiride qurulghan “Uyghur sot kollégiyesi” xitay hökümiti Uyghurlargha “Irqiy qirghinchiliq” yürgüzüwatidu, dégen hökümni chiqardi. Mezkur sot kollégiyesi yene xitayning Uyghur we bashqa türkiy milletlerge yürgüzüwatqan basturush siyasetlirining “Insaniyetke qarshi jinayet” ikenlikini jakarlidi.

“Uyghur sot kollégiyesi” 63 betlik hökümnamini özining resmiy tor bétide élan qilghan bolup hökümnamige qarighanda, bu hökümning chiqirilishida kommunizm qurbanliri xatire fondining xitay ishliri tetqiqatchisi adriyan zéniz élan qilghan 28 betlik “Hamilidarliqtin saqlinish, mejburiy tughut cheklesh: xitay kompartiyesining Uyghurlarning tughulush nisbitini kontrol qilish herikiti” namliq doklati hel qilghuch rol oynighan.

Doklatta xitay hökümitining “Pilanliq tughut siyasiti” ge a'it resmiy höjjetliridiki mezmunlar we bu siyasetning arqisigha yoshurun'ghan pilanliri ashkarilighanidi. Adriyan zéniz doklatta yene Uyghurlar eng köp olturaqlashqan qeshqer we xotendin ibaret ikki rayondiki Uyghur nopusi 2015-yilidin bashlap tik siziq bilen töwenlep mangghanliqi, 2020-yiligha kelgende nopusning köpiyish nisbiti nöl bolghanliqini körsetken.

Töwende Uyghurlargha yürgüzülüwatqan irqi qirghinchiliqning toxtitilishigha ümid bolghan “Uyghur sot kollégiyesi” ning xitay hökümiti üstidin chiqarghan hökümini muhim ispatlar bilen teminligen tetqiqatchi adriyan zéniz ependi bilen ötküzgen söhbitimiz diqqitinglarda bolidu.