Almatada körneklik meripetchi hénipaxun baratof xatirilendi

24-Aprél küni almata shehirining awézof nahiyisige qarashliq abdulla rozibaqiyéf namidiki 153-Uyghur mektep-gimnaziyiside körneklik meripetchi, mezkur mektepning sabiq mudiri hénipaxun baratofning 80 yilliq tewelludi munasiwiti bilen xatirilesh murasimi bolup ötti.
Ixtiyariy muxbirimiz oyghan
2012-04-30
Share
telman-baratog-mesimjan-zulpiqarof-zerip-molotof-305.jpg Sürette: almatada körneklik meripetchi hénipaxun baratofni xatirilesh pa'aliyitide, (soldin onggha) telman baratof, mesimjan zulpiqarof, zerip molotof. 2012-Yili aprél, almata.
RFA/Oyghan

Ziyaliylar, her xil kesip igiliri, ustazlar we oqughuchilar qatnashqan mezkur pa'aliyette aldi bilen merhumning namida oqush kabinétining échilish murasimi bolup, andin uni eslesh yighini dawam qildi. Yighinda sözge chiqqan jumhuriyetlik Uyghur étno-medeniyet merkizi ma'arip kéngishining re'isi émilyan ushurof, mezkur mektepning sabiq mudirliri ataqliq yazghuchi mesimjan zulpiqarof, télman baratof we zérip molotoflar, mektep-gimnaziyening mudiri shawket ömerof, shundaqla h. Baratofning kesipdashliri we shagirtliri, yurt-jama'etchilik wekilliri, uning qérindashliri, a'ile ezaliri, dost-buraderliri we bashqilar merhumning milliy ma'arip we jem'iyetlik ishlarda atqurghan pa'aliyetliri, insaniy peziletliri üstide toxtilip, ma'aripning xelq hayatidiki hem milliy kimlikidiki roli we ehmiyitini alahide tekitlidi. Yighin dawamida ustaz we oqughuchilar teripidin teyyarlan'ghan konsért programmisi körsitildi.

Radi'omiz ziyaritini qobul qilghan mezkur mektep-gimnaziyening sabiq ustazi bahar hede rehmitullayéwa h. Baratof heqqide eslimilirini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet