Almatada ataqliq naxshichi murat nasirof xatirilendi

19-Yanwarda almata shehirining zarya wostoka mehellisi qebristanliqida qazaqistan Uyghur yashliri birlikining uyushturushi bilen ataqliq Uyghur naxshichisi murat nasirofni xatirilesh murasimi bolup ötti.
Ixtiyariy muxbirimiz oyghan
2013-01-21
Élxet
Pikir
Share
Print
Soldin on'gha: akisi nijat nasirof, murat nasirof we bir tughqan akisi enwer hajiyef. (Waqti we orni éniq emes)
Soldin on'gha: akisi nijat nasirof, murat nasirof we bir tughqan akisi enwer hajiyef. (Waqti we orni éniq emes)
RFA/Oyghan

Merhumgha atap qur'an oqulghandin kéyin sözge chiqquchilar m.Nasirofning ijadi, qabiliyiti hem uning bolupmu her millet yashliri arisida tutqan ornigha munasip bahasini berdi. Naxshichining paji'elik wapatidin kéyin yette yil waqit ötken bolsimu, uning tughulghan we wapat bolghan künliri qur'an oqup, uni eslesh adetke aylan'ghan.

Murat isma'il oghli nasirof 1969-yili 13-dékabirda almata shehiride tughulghan bolup, 111-ottura mektepni tamamlighandin kéyin herbiy sepke chaqirtilghan. Muratning sen'etke bolghan qiziqishi, bolupmu ene shu herbiy septe xizmet qilghan yilliri bashlandi. Armiye sépidin qaytip kélip u moskwadiki gnésin namidiki muzika mektipige oqushqa kirgen. 1991-Yili yalta shehiride ötken ijadiyet körükide u birinchi orunni igilep, rusiyining ataqliq sen'etkarliri teripidin yuqiri bahagha érishken idi. 1991-Yili naxshichining deslepki eserlirining toplimi yoruq kördi. U bir nechche qétim rusiye sen'et uyushmiliri teripidin tesis qilin'ghan körüklerning mukapatlirigha érishken. 1999-Yildin bashlap uning naxshiliri in'gliz tilidimu yangrighan. 2004-Yili bolsa, m. Nasirof özining Uyghur tilidiki "Qaldim yalghuz" namliq deslepki toplimini tamamlighan.

M.Nasirof 2007-yilning 19-yanwardin 20-yanwargha ötken kéchisi moskwada paji'elik wapat bolghan. Mushu kün'giche naxshichining ölüm sewebining éniqlanmighanliqi ilgiri sürülüp kelmekte.

Radi'omiz ziyaritini qobul qilghan m. Nasirofning yéqin dosti we kesipdishi polat hézimof merhumni eslidi.

Toluq bet