Rusiyilik tarixchi aléksandir qadirbayéf Uyghurlar heqqide toxtaldi (1)

Türkiy xelqler ichide uzun tarix we bay medeniyetke ige Uyghurlarning dunya alimlirining diqqitini qozghap kelgenliki yaxshi melumdur.
Ixtiyariy muxbirimiz oyghan
2013.01.10

Alemge tonulghan léf gumilyéf, sérgéy klyashtorniy, lé'onid qizlasof, anatoliy malyawkin, dimitriy tixonof, lyudmila chwir we bashqimu shuninggha oxshash sowét we rusiye tarixchi alimliri Uyghurlarning her xil dewrlerdiki tarixi hem medeniyitige a'it bay melumatlargha ige emgeklerni neshr qilip keldi. Kéyinki ewlad tetqiqatchilar ichidin rusiye we merkiziy asiyada tonulghan tarixchi hem sherqshunas alim aléksandir qadirbayéfmu öz tetqiqatlirida Uyghurlarning ottura esir tarixigha a'it eserlerni élan qilghan idi.

Tarix penlirining doktori aléksandir qadirbayéf hazir rusiye penler akadémiyisi sherqshunasliq institutining yétekchi ilmiy xadimi bolup ishlesh bilen bir waqitta yene bir qatar dölet uniwérsitétliri, aliy iqtisad mektepliri hem mixayil lomonosof namidiki moskwa dölet uniwérsitétining proféssori, shundaqla rusiye dölet kitabxanisi sherq edebiyati merkizining chong ilmiy xadimliq wezipilernimu atqurmaqta.

A. Qadirbayéf “Ottura esirdiki Uyghurlar, jalayirlar, naymanlar we kiréyitlirining tarixi ochérkliri”, “Ulugh dalaning u chétide” qatarliq 20 monografiye, kitabche we dersliklerning aptori. U yene 100 din oshuq ilmiy we ilmiy-ammibap maqalilerning aptori.

A. Qadirbayéw radi'omiz ziyaritini qobul qilip, Uyghurlar heqqide toxtaldi.

Tepsilatini yuqiridiki awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.