Қазақистандики “уйғур авази” гезитигә 55 йил толди

Чүнки, 55 йил давамида бу гезит һәқиқәтәнму уйғурларниң мәниви байлиқиға, ғуруриға айлинип, хәлқ ичидә алаһидә һөрмәт қазанған иди. Өз вақтида уйғурлар ичидин чиққан атақлиқ зиялийлар вә журналистлар тәрипидин рәһбәрлик қилинип кәлгән мәзкур гезит бүгүнки күндә өз ишини заман тәлипигә лайиқ һалда давам қилмақта.

Бу гезит сабиқ совет иттипақи дәвридә “коммунизм туғи” нами билән атилип, совет уйғурлириниң бирдин-бир дөләт дәриҗилик гезитигә айланған болса, қазақистан мустәқил болғандин кейин “уйғур авази” дегән намға өзгәртилгән иди.

Радиомиз зияритини қобул қилған “уйғур авази” гезитиниң баш муһәрририниң орунбасари мухтәрҗан җумароф гезитниң бүгүнки әһвали һәм келәчәк пиланлири үстидә тохталди.