Qazaqistandiki “Uyghur awazi” gézitige 55 yil toldi

Chünki, 55 yil dawamida bu gézit heqiqetenmu Uyghurlarning meniwi bayliqigha, ghururigha aylinip, xelq ichide alahide hörmet qazan'ghan idi. Öz waqtida Uyghurlar ichidin chiqqan ataqliq ziyaliylar we zhurnalistlar teripidin rehberlik qilinip kelgen mezkur gézit bügünki künde öz ishini zaman telipige layiq halda dawam qilmaqta.

Bu gézit sabiq sowét ittipaqi dewride “Kommunizm tughi” nami bilen atilip, sowét Uyghurlirining birdin-bir dölet derijilik gézitige aylan'ghan bolsa, qazaqistan musteqil bolghandin kéyin “Uyghur awazi” dégen namgha özgertilgen idi.

Radi'omiz ziyaritini qobul qilghan “Uyghur awazi” gézitining bash muherririning orunbasari muxterjan jumarof gézitning bügünki ehwali hem kélechek pilanliri üstide toxtaldi.