Қазақистандики уйғур кәспий тиятири миллий сәнәтни раваҗландурушниң асасий мәркизи болмақта

Мәркизий асия хәлқлири ичидә өзиниң узун тарихқа игә һәм көп қирлиқ сәнити билән алаһидә көзгә чүшкән уйғурлар 20-әсирдә йүз бәргән иҗтимаий-сиясий өзгиришләрни, иқтисадий боһранларни бесип өтүп, бүгүнки күндә әҗдадлири яритип қалдурған бай мәдәний мирасини, миллий әнәнилирини давамлаштуруп кәлмәктә.
Ихтиярий мухбиримиз ойған
2011-08-25
Share

Өткәнки әсирниң башлирида вуҗудқа кәлгән оттура асия хәлқлириниң кәспий тиятирлири, шу җүмлидин уйғур миллий тиятириму совет түзүми дәвридә коммунистлар һакимийити тәрипидин йүргүзүлгән идеологийилик сиясәттин, аммиви тәқипләшләрдин көп зәрдаб чәкти. Көплигән пакитлар бурмилинип, тиятир сәһнилиридә, драма әсәрлиридә коммунистик партийини һәм униң миллий сияситини көпләп мәдһийиләш әһваллириму йүз берип турди һәмдә бу өз нөвитидә һәр қандақ хәлқ сәнитиниң миллийликигә, хәлқчиликигә нуқсан кәлтүргән иди. Шуниңға қаримай өз миллитини һәқиқәтән сөйгән сәнәт әрбаблири вәтәнпәрвәрлик, әркинлик, адаләтлик мавзулирини техиму раваҗландурди һәм өз хәлқиниң миллий аң-сезимини ойғитишқа мунасип һәссә қошти. Совет түзүми ғулап, мустәқил мәмликәтләр барлиққа кәлгәндин кейин башқилар қатарида қазақистандики қуддус ғоҗамияроф намидики җумһурийәтлик дөләт уйғур музикилиқ комедийә тиятириму өзиниң йеңи услубтики вә йеңи мәзмундики программилири билән көзгә көрүнүшкә башлиди.

Қазақистан дөлити мустәқиллиқиниң 20 йиллиқ тарихи җәрянида мәзкур сәнәт өмики паалийитидә қандақ өзгиришләр йүз бәрди, кейинки йилларда у қандақ утуқларға еришти? униң алдидики вәзипиләр көпчиликни қизиқтурмақта. Шу мунасивәт билән биз уйғур тиятири рәһбәрликини зиярәт қилдуқ.

Радиомиз зияритини қобул қилған уйғур тиятири мудири савутҗан сонуроф һәм тиятир режиссори ялқунҗан шәмийеф тиятирниң бүгүнки әһвали һәққидә өз қарашлирини оттуриға қойди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт