Qazaqistandiki Uyghur kespiy tiyatiri milliy sen'etni rawajlandurushning asasiy merkizi bolmaqta

Merkiziy asiya xelqliri ichide özining uzun tarixqa ige hem köp qirliq sen'iti bilen alahide közge chüshken Uyghurlar 20-esirde yüz bergen ijtima'iy-siyasiy özgirishlerni, iqtisadiy bohranlarni bésip ötüp, bügünki künde ejdadliri yaritip qaldurghan bay medeniy mirasini, milliy en'enilirini dawamlashturup kelmekte.
Ixtiyariy muxbirimiz oyghan
2011-08-25
Share

Ötkenki esirning bashlirida wujudqa kelgen ottura asiya xelqlirining kespiy tiyatirliri, shu jümlidin Uyghur milliy tiyatirimu sowét tüzümi dewride kommunistlar hakimiyiti teripidin yürgüzülgen idé'ologiyilik siyasettin, ammiwi teqipleshlerdin köp zerdab chekti. Köpligen pakitlar burmilinip, tiyatir sehniliride, drama eserliride kommunistik partiyini hem uning milliy siyasitini köplep medhiyilesh ehwallirimu yüz bérip turdi hemde bu öz nöwitide her qandaq xelq sen'itining milliylikige, xelqchilikige nuqsan keltürgen idi. Shuninggha qarimay öz millitini heqiqeten söygen sen'et erbabliri wetenperwerlik, erkinlik, adaletlik mawzulirini téximu rawajlandurdi hem öz xelqining milliy ang-sézimini oyghitishqa munasip hesse qoshti. Sowét tüzümi ghulap, musteqil memliketler barliqqa kelgendin kéyin bashqilar qatarida qazaqistandiki quddus ghojamiyarof namidiki jumhuriyetlik dölet Uyghur muzikiliq komédiye tiyatirimu özining yéngi uslubtiki we yéngi mezmundiki programmiliri bilen közge körünüshke bashlidi.

Qazaqistan döliti musteqilliqining 20 yilliq tarixi jeryanida mezkur sen'et ömiki pa'aliyitide qandaq özgirishler yüz berdi, kéyinki yillarda u qandaq utuqlargha érishti? uning aldidiki wezipiler köpchilikni qiziqturmaqta. Shu munasiwet bilen biz Uyghur tiyatiri rehberlikini ziyaret qilduq.

Radi'omiz ziyaritini qobul qilghan Uyghur tiyatiri mudiri sawutjan sonurof hem tiyatir rézhissori yalqunjan shemiyéf tiyatirning bügünki ehwali heqqide öz qarashlirini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet