Xitay saqchilirining Uyghur rayonidiki “Yüz künlük heriket” netijisi élan qilin'ghan

Muxbirimiz eziz
2022.08.26
Share on WhatsApp
Share on WhatsApp

Xitay hökümiti bashqurishidiki “Xitay xewerliri tori” ning 26-awghusttiki xewiride éytilishiche, Uyghur aptonom rayonluq jama'et xewpsizlik (j x) nazaritining axbarat élan qilish yighinida yéqinqi “Yüz künlük herket” ning netijiliri élan qilin'ghan.

Xewerde éytilishiche, bu yil awghustning axirighiche dawam qilghan bu qétimqi “Yüz künlük herket” te jem'iyet tertipining muqimliqini saqlash muhim nishan qilin'ghan. Bu jeryanda pütkül Uyghur diyari boyiche töt milyon qétimdin köprek saqchi küchliri ishqa sélin'ghan. Xelq ammisidin seperwerlikke keltürülgenlermu töt milyon adem qétimdin ashqan. Bu jeryanda 20 mingdin köprek jinayet gumandari qolgha élin'ghan bolup, 40 milyon somdin köprek haram mal qayturup kélin'gen.

Xitay axbarat wastiliri bu qétimqi saqchilarning zerbe bérish herkitide bir qisim jinayi ishlargha da'ir délolarning pash qilin'ghanliqini tekitligen bolsimu, bu qétimqi zerbe bérishte yuquri pen-téxnika wastilirining hemde “Xelq ammisining maslishishi” ning chong rol oynighanliqini alahide tilgha alghan. Shuning bilen birge jinayi ishlar délosining yüz bérish nisbiti ötken yildikidin 20 pirsent töwenligenlikini alahide gewdilendürgen.

Xitay hökümitining Uyghur diyaridiki saqchi küchlirige ajratqan xamchotini tetqiq qilip chiqqan mutexessislerdin doktur adryan zénz 2018-yilining özidila Uyghur diyaridiki bixeterlik xirajitining 92 pirsent ashurulup 58 milyard som (toqquz milyard amérika dollirigha yéqin) gha yetkenlikini otturigha qoyghan idi. U radiyomizning bu heqtiki ziyaretlirini qobul qilghanda “Xitay hökümiti izchil türde ‛qattiq zerber bérish‚ yaki ‛ashqunluqqa qarshi turush‚ dégendek namlarda ghayet zor tutqunni emelge ashurup kelmekte” dégen idi.

Nöwette bu qétimliq “Yüz künlük herket” ningmu ashu xildiki tutqunning bir terkibiy qismi ikenliki algha sürülmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.