19-Qurultay rohi Uyghur élida chong awazliq kanaylar bilen teshwiq qilinmaqtiken

Muxbirimiz irade
2018-01-04
Share

Xitayning "Yer shari waqti géziti" ning xewiride körsitilishiche, Uyghur élining herqaysi yéza-bazarlirida kanay arqiliq 19- qurultay rohi teshwiq qilinmaqtiken. Xewerdin melum bolushiche, herqaysi yerlik da'iriler her küni oxshash bir waqitta qurultaygha a'it xewerlerni yuqiri awazliq kanaylar arqiliq tarqitidighan bolup, xewerde bundaq kanaylarning hazir ürümchi shehiridimu barliqi tilgha élin'ghan.

Uyghur élining partkom sékritari chén chüen'go 19-qurultayda xitay kompartiyesi siyasiy byurosining ezaliqigha teyinlinip tartuqlan'ghandin kéyin, derhal "Shinjang wekilliri omumiy yighini" ni chaqirip, "19-Qurultay rohini öginish we teshwiq qilish" ni orunlashturghan idi. U shu qétimliq yighinda Uyghur élidiki partiye ezaliri we kadirlarning muddetke we türkümge bölünüp mexsus qurultay rohi boyiche terbyelinidighanliqi, qurultay rohining Uyghur élining jay-jayliridiki karxanilar, yéza-kentler, organlar, mektepler we mehellilerde léksiye sözlesh yaki taratqularning wasitisi arqiliq keng teshwiq qilinidighanliqini bildürgen idi.

"Yer shari waqti géziti" ning xewiride, Uyghur élida ötken ayda bir milyon'gha yéqin kadir we ishchi - xizmetchilerning "Tughqanlishish heptiliki pa'aliyti" ge qatnashqanliqini we buning asasliq meqsitiningmu 19-qurultay rohini öy - öylergiche yetküzüsh ikenlikini bildürgen.

Uyghur élida 11-dékabirdin bashlap yolgha qoyulghan bu "Tughqanlishish heptiliki" ni chet'ellerdiki közetküchiler"Hemmila jayni qaplighan gireleshme nazaret méxanizimining shexslerning öylirigiche kirishi," dep tenqidlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet