Amérika xelqi 4-iyul musteqilliq künini tebriklidi

• Muxbirimiz irade
  2019-07-04

Bügün, yeni 4-iyul küni amérikaning musteqilliq bayrimi. Milyonlighan amérikiliqlar bügünki bayram dem élishida parat, dala seylisi we bashqa her türlük pa'aliyetlerni ötküzüp, dölet musteqilliqining 243-yilini tebrikleshmekte.

Melum bolushiche, her yili musteqilliq künide ötküzülidighan paratta bu yil tunji qétim kichik kölemlik herbiy parat orun alidiken.

Amérikadiki paratlarda adette döletning herbiy quwwitini namayan qilidighan qoral-yaraghlar we herbiy hazirliqlar awamgha körsitilmeydighan bolup, bu qétim amérika prézidénti trampning qarari bilen bu en'enige özgirish kirgüzülgen. Bu nöwetlik paratta bir qanche tanka we qoralliq esliheler we shundaqla bir qanche küreshchi ayropilanlar parattin ötküzülidiken.

Bundin bashqa yene prézidént tramp bügün kechqurun “Amérikagha éhtiram” témisida mexsus nutuq sözleydiken. Bumu bu nöwetlik bayramdiki bir yéngiliq bolup hésablinidiken.

Amérika qoshma shtatliri 1776-yili musteqilliq jakarlighan, eng deslep en'gliye mustemlikisidiki 13 shitat tunji qétim musteqilliq jakarlap, amérika qoshma shtatlirining musteqilliq tarixigha yol achqan idi.