Xitay döletlik sayahet idarisi Uyghur aptonom rayonidiki on "4A derijilik menzire sayahet nuqtisi" gha agahlandurush jazasi bergen

Muxbirimiz qutlan
2016-12-17
Share

Igilinishiche, yéqinda xitay döletlik sayahet idarisi axbarat élan qilish yighini échip, pütün xitay boyiche 367 jaydiki "4A derijilik menzire sayahet nuqtisi" gha oxshimighan derijide bir terep qilish charisi élan qilghan.

Buning ichide Uyghur aptonom rayonidin ikki "4A derijilik menzire sayahet nuqtisi" ning wiwiskisini bikar qilghan. Ular bayin'gholin mongghol aptonom oblastigha qarashliq shyangsixu menzire nuqtisi bilen bingtwenning 12-diwiziyesige qarashliq junggo renglik paxta pen-téxnika baghchisi iken.

Undin bashqa yene Uyghur aptonom rayonidin sekkiz jaydiki "4A derijilik menzire sayahet nuqtisi" gha agahlandurush jazasi bergen. Ular ürümchi, qeshqer, altay we bingtwen'ge qarashliq birqanche orunlardiki menzire sayahet nuqtiliri iken.

Melum bolushiche, xitay hökümiti menzire sayahet nuqtilirini échip, iqtisadiy ünüm yaritish sho'arini otturigha qoyghandin buyan, Uyghur aptonom rayonida köp jaylardiki tebi'iy menzire rayonliri dölet derijilik wiwiska ésip, xitay ölkiliridin kélidighan sayahetchilerni jelp qilishqa bashlighan. Halbuki, birqanche yilgha barmayla bu jaylarning tebi'iy muhiti buzulup, menzirisi öz güzellikini yoqatqan.

Közetküchiler, Uyghur élidiki on dölet derijilik menzire sayahet nuqtisining agahlandurulushi, bu yerdiki muhit kirizisining qaysi derijige barghanliqini ashkarilap körsetmekte, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet