Dunya Uyghur qurultiyi “5-Iyul ürümchi qirghinchiliqi” ning 12 yilliqini xatirilidi

Muxbirimiz jewlan
2021-07-05
Share

2009-Yil 7-ayning 5-küni xitay hökümiti adalet telep qilip chiqqan Uyghur namayishchilirini basturup, arqidin qanliq qirghinchiliq yürgüzgen paji'elik kün bolup, xitay hökümitining Uyghurlargha qaratqan siyasitiningmu burulush nuqtisi hésablinidu.

Ötken 12 yilda dunyaning her qaysi jayliridiki Uyghurlar “5-Iyul ürümchi qirghinchiliqi” de ziyankeshlikke uchrighuchilarni xatirilesh, ötmüshtiki qanliq tarixni eslesh, xitayning jinayitini dawamliq tartip chiqish arqiliq, adalet we heqqaniyet üchün küresh qilish, xitaydin hésab élish iradisini namayen qilip kelgenidi.

Her yili “5-Iyul ürümchi qirghinchiliqi” ni eyiblep bayanat bérip kéliwatqan dunya Uyghur qurultiyi bu qétimmu axbarat élan qilip, kommunist xitay hökümitining tarixiy jinayetliridin biri bolghan bu weqeni qattiq eyibligen we Uyghurlarning bügünki kündimu irqiy qirghinchiliqning qurbani boluwatqanliqini eskertken.

Bu bayanatta “5-Iyul ürümchi qirghinchiliqi” ning bashlinish sewebi, namayish we namayishtin kéyin yüz bergen paji'eler tilgha élinish bilen birge, bu qorqunchluq weqe yüz bergendin kéyinmu xitay hökümitining bu jinayitining xelq'arada tégishlik diqqetke élinmighanliqi, musteqil tekshürülmigenliki, hetta xitaygha téximu keng imkaniyet bérilip, bügünki irqiy qirghinchiliqning yüz bérishige asas sélin'ghanliqi alahide tilgha élin'ghan.

Mezkur bayanat tarixtin béri jinayet ötküzüp xitay kompartiyesi qurulghanliqining 100 yilliqini xatirilesh daghdughisi dawamlishiwatqan künlerge toghra kelgen bolup, kommunsit xitayning jinayetlirini dunyagha bildürüsh, uning atalmish muweppeqiyetlirining mahiyette rezilliq we jinayet üstige qurulghanliqini eskertishte muhim ehmiyetke ige iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet