Muhajirettiki Uyghurlar “5-Iyul ürümchi qirghinchiliqi” ni xatirilidi

Muxbirimiz eziz
2022.07.05
Share on WhatsApp
Share on WhatsApp

2009-Yilidiki “5-Iyul ürümchi qirghinchiliqi” ning 13 yilliq xatiriside dunyaning herqaysi jayliridiki Uyghur muhajirliri oxshimighan shekillerdiki pa'aliyetler arqiliq bu matem künini yad etti.

Amérika paytexti washin'gtonda Uyghur jama'iti teshkilligen naraziliq namayishliri Uyghurlarning xitay hökümitige bolghan ghezep-nepritini hemde xitay hökümitining qirghinchiliqida hayatidin ayrilghan shéhidlerge bolghan du'a-tileklirini janliq eks ettürüp berdi. Washin'gtondiki xitay elchixanisi we aqsaray aldida ötküzülgen namayishlarda namayishchilarning qollirida lepildigen ay-yultuzluq kök bayraq hemde xitay hökümitige qarshi towlan'ghan sho'arlar Uyghurlarning xitay hökümranliqini ten almasliq iradisini, shuningdek Uyghurlarning xitaygha bolghan qarshiliqining toxtap qalmaydighanliqini namayen qildi. Shuning bilen birge ‍amérika jama'itini Uyghurlar duch kéliwatqan qirghinchiliqlar heqqide belgilik chüshenchige ige qildi.

Namayishchilar towlighan sho'arlar arisida “Uyghurlargha azatliq!”, “Sherqiy türkistan'ghan musteqilliq!”, “Yoqalsun xitay fashistliri!” dégendek mezmunlar alahide orun aldi.

Türkiye, gérmaniye, fransiye, shiwétsiye, norwégiye, awstraliye qatarliq döletlerdiki Uyghur jama'iti teshkilligen her xil xatirilesh pa'aliyetliri muhajirettiki Uyghur yash-ösmürlirini “5-Iyul ürümchi qirghinchiliqi” heqqide melumatliq qilish bilen birge, ularning weten we xelq chüshenchisige yéngi mezmunlarni qoshti. Bolupmu “Sherqiy türkistan musteqilliq marshi”, “Sherqiy türkistan bayriqi” qatarliq simwolluq mezmunlar bu pa'aliyetlerde da'imqidek untulmas témilardin boldi.

Bu xildiki namayishlar heqqide ilgiri radiyomizning ziyaritini qobul qilghan musteqil siyasiy analizchi ilshat hesen: “Bundaq pa'aliyetler emeliyette chet ellerdiki Uyghur dawasining kem bolsa bolmaydighan mezmunliridin biri. Chünki biz mushundaq namayishlarni hemde muhajirettiki Uyghurlarning qarshiliq iradisini tawlaydighan, shundaqla Uyghurlarning xitay hökümitining hökümranliqini étirap qilmaydighan en'enisini dawam qildurush arqiliq, özimizning Uyghurluq burchimizni eng töwen derijide bolsimu ada qilalaymiz,” dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.