Washin'gton we san firansiskodiki Uyghur jama'iti héyt namizidin kéyin 5-iyulni xatirilep namayish qildi

Amérika paytexti washin'gton we wiriginiye shtati etrapidiki Uyghur jama'iti 5-iyul küni etigen sa'et 7 de wiriginiye shtati fayirfaks shehiridiki türk meschitide roza héyt namizini oqudi.

Roza héyt namizigha qatnashqan Uyghurlarning bildürüshiche namazgha washin'gton etrapidiki Uyghur jama'itidin texminen 150 etrapida kishi qatnashqan. Namazgha qatnashqan jama'et imamning yétekchilikide xitay hakimiyitining asaritide yashawatqan Uyghurlargha azadliq, Uyghur xelqining kishilik hoquq we diniy étiqad erkinliki yolida qurban bolghanlarning rohigha atap du'a-tilawet qilghan, hélihem xitay türmiliride azab chékiwatqan Uyghur mehbusliri we ularning a'ile tawabi'atlirigha sewri-taqet tiligen.

Roza héyt küni yene washin'gton we wiriginiye shtatidiki Uyghurlar dunya Uyghur qurultiyining chaqiriqigha bina'en, amérika Uyghur birlikining uyushturushida, héyt küni chüshtin kéyin sa'et 2 de 2009-yildiki"5-Iyul qirghinchiliqini xatirilesh" namayishi ötküzdi.

Shu küni san firansisko shehiri etrapidiki Uyghurlamu xitay konsulxanisi aldida naraziliq namayishi ötküzdi.

Melum bolushiche, bu yilqi roza héyt "5-Iyul weqesi" künige toghra kelgini üchün, dunyaning herqaysi jaylirida muhajirette yashawatqan Uyghurlar dunya Uyghur qurultiyining chaqiriqigha bina'en öz döletliridiki Uyghur teshkilatlirining orunlashturushida 4-5-iyul künliri "5-Iyul ürümchi weqesi" ning 7 yilliqini xatirilep chet'ellerdiki xitay elchixaniliri we konsulxaniliri aldida naraziliq namayishi qilish qatarliq pa'aliyetlerni ötküzgen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar