Хитай һөкүмити уйғур диярида 5G тор қурулушини тезләтти

Мухбиримиз әркин
2020-05-18
Share

Хитай һөкүмити уйғур аптоном райониниң 5G тор қурулушини тезлитип, мәзкур районда йәнә 4379 җайға 5G ул әслиһә понкити қурушни қарар қилған. "тәңри тағ" ториниң ашкарилишичә, хитайниң пилани 5G тор қурулушини келәр йилниң ахирлириға қәдәр райондики барлиқ вилайәт дәриҗилик шәһәрләрдә омумлаштуруп болуш икән. Көзәткүчиләрниң тәкитлишичә, әгәр хитай һөкүмити уйғур диярида 5G тор қурулушини ишқа ашурса, уйғурларни контрол қилиш, уларниң пикри вә һәр бир иш-һәрикитини көзитишни техиму күчәйтип, кишиләрдә һечқандақ шәхси мәхпийәтлик қалмаслиқни ишқа ашуридикән.

Уйғур аптоном районлуқ алақә башқуруш идарисиниң билдүрүшичә, бу қурулушни хитайниң 3 телеграф ул әслиһәләр карханиси үстигә алидикән. Хәвәрдә, бу йилниң ахирлириға қәдәр район миқясида 4897 орунға 5G ул әслиһә понкити қурулидиғанлиқи, 5G тор қурулушиниң "шинҗаң җәмийитидә зор өзгириш ясайдиғанлиқи" тәкитләнгән.

Хәвәрдә илгири сүрүлүшичә, бу қурулуш районда "турмушниң әқлийлишиши, игиликниң рәқәмлишиши, башқурушниң инчикилишиши" ни ишқа ашуридикән.

Лекин хитайниң мәзкур тор қурулуши бихәтәрлик түпәйли америка қатарлиқ дөләтләрниң хитайниң 5G техникисини чәклигән мәзгилгә тоғра кәлди. Уларниң тәкитлишичә, хитайдәк бир истибдат әлниң бу дөләтләрдики 5G ул әслиһәләр қурулушиға қатнишишқа йол қоюлса, бу униң учурни контрол қилип, бу әлләрниң бихәтәрлики, пуқралириниң шәхси мәхпийәтликигә зор тәһдит пәйда қилидикән. Хитай һөкүмити 2017-йили уйғур районида чоң тутқун башлиништин бурун җәнубтики уйғурлар коп санлиқтики вилайәт-областларниң тор еқими сүритини 2г ға чүшүрүп қойғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт