Xitay hökümiti Uyghur diyarida 5G tor qurulushini tézletti

Muxbirimiz erkin
2020.05.18

Xitay hökümiti Uyghur aptonom rayonining 5G tor qurulushini tézlitip, mezkur rayonda yene 4379 jaygha 5G ul eslihe ponkiti qurushni qarar qilghan. “Tengri tagh” torining ashkarilishiche, xitayning pilani 5G tor qurulushini kéler yilning axirlirigha qeder rayondiki barliq wilayet derijilik sheherlerde omumlashturup bolush iken. Közetküchilerning tekitlishiche, eger xitay hökümiti Uyghur diyarida 5G tor qurulushini ishqa ashursa, Uyghurlarni kontrol qilish, ularning pikri we her bir ish-herikitini közitishni téximu kücheytip, kishilerde héchqandaq shexsi mexpiyetlik qalmasliqni ishqa ashuridiken.

Uyghur aptonom rayonluq alaqe bashqurush idarisining bildürüshiche, bu qurulushni xitayning 3 télégraf ul esliheler karxanisi üstige alidiken. Xewerde, bu yilning axirlirigha qeder rayon miqyasida 4897 orun'gha 5G ul eslihe ponkiti qurulidighanliqi, 5G tor qurulushining “Shinjang jem'iyitide zor özgirish yasaydighanliqi” tekitlen'gen.

Xewerde ilgiri sürülüshiche, bu qurulush rayonda “Turmushning eqliylishishi, igilikning reqemlishishi, bashqurushning inchikilishishi” ni ishqa ashuridiken.

Lékin xitayning mezkur tor qurulushi bixeterlik tüpeyli amérika qatarliq döletlerning xitayning 5G téxnikisini chekligen mezgilge toghra keldi. Ularning tekitlishiche, xitaydek bir istibdat elning bu döletlerdiki 5G ul esliheler qurulushigha qatnishishqa yol qoyulsa, bu uning uchurni kontrol qilip, bu ellerning bixeterliki, puqralirining shexsi mexpiyetlikige zor tehdit peyda qilidiken. Xitay hökümiti 2017-yili Uyghur rayonida chong tutqun bashlinishtin burun jenubtiki Uyghurlar kop sanliqtiki wilayet-oblastlarning tor éqimi sür'itini 2g gha chüshürüp qoyghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.