Атақлиқ музикант вә нахшичи абдуреһим һейтниң түрмидә җан үзгәнлики илгири сүрүлди

Мухбиримиз әркин
2019-02-08
Елхәт
Пикир
Share
Принт

Өзиниң җәңгивар музика вә нахшилири билән уйғур хәлқиниң дилини яйритип кәлгән атақлиқ сәнәтчи абдуреһим һейтниң хитай түрмисидә җан үзгәнлики илгири сүрүлди. Бу һәқтики учурларда униң түрмидә қаттиқ қийин-қистақ астида җан үзгәнлики қәйт қилинмақта. Бу хәвәр 8‏-феврал күни түркийәдики бир учур мәнбәси тәрипидин илгири сүрүлгән. Түркийәлик сәнәтчи, түркийә дөләтлик телевизийә қанили т р т ниң атақлиқ нахшичиси бунямин ақсүнгүр шу күни елан қилған учурида, абдуреһим һейтниң түрмидә җан үзгәнликигә даир хәвәрләр бурунму тарқалған болсиму, лекин бу қетим тарқалған хәвәрниң растлиқини тәкитлигән. Ақсүнгүр 8‏-феврал мухбиримизға қилған сөзидә, хитай һөкүмитиниң баянат елан қилип, бу хәвәрниң растлиқини рәт қилишини үмид қилидиғанлиқи, бирақ бу хәвәрниң өзигә, интайин сағлам мәнбәләрдин кәлгәнликини билдүрди. У: «абдуреһим һейтниң җан үзгәнлики раст болса, бу уйғур хәлқи үчүнла әмәс, бәлки түрк дуняси үчүнму зор йоқитиш болиду» деди. Бунямин ақсүнгүр хәвәр мәнбәсиниң интайин ишәнчиликликини илгири сүргән болсиму, лекин бу хәвәр техи хитай рәсмий даирилири тәрипидин дәлилләнмиди. Мәлум болушичә, абдуреһим һейт 2017‏-йили 4-айда үрүмчидә «атилар», «учрашқанда» қатарлиқ нахшилири сәвәблик тутқун қилинип, 8 йиллиқ қамақ җазасиға һөкүм қилинған икән. Ақсүнгүр, униң оғлиниң өткән йили дадисини йоқлап барғанда униң бәк оруқлап кәткәнлики вә уни һалсиз әһвалда көргәнликини аңлиғанлиқини билдүрди.

Америкида турушлуқ шаир таһир һамутниң «хәвәр нида» тор бетиниң мухбириға билдүрүшичә, униң «атилар» намлиқ нахшисиниң текистини язған шаир вә язғучи абдуреһим абдулламу тутқун қилинған икән.

Пикирләр (0)
Share
Толуқ бәт