Afghanistan paytexti kabulda özini qoshup partlitish weqesi yüz berdi

En'gliye b b s agéntliqining xewer qilishiche, kabul saqchi idarisining bashliqi abduraxman rahim bayanat bérip, partlashning kabulning sheher merkizidiki afghanistan dölet mudapi'e ministirliqi we bixeterlik küchliri turushluq orun'gha nahayiti yéqin jayda yüz bergenliki, partlashta 28 adem ölüp, 329 adem yarilan'ghanliqi, ölgenlerning zor köp qismi puqralar bolup, ularning arisida bir qisim ofitsérlar we saqchilar bar ikenliki qatarliqlarnimu bildürgen.

Xewerdin melum bolushiche, bu partlash bomba qachilan'ghan aptomobil bilen hujum qilish arqiliq emelge ashurulghan bolup, partlashtin kéyin kabulda saqchi küchliri bilen taliban qoralliq küchliri arisida étishish yüz bergen we kabul saqchi terep talibanlarni sheher merkizidin tazilighanliqi heqqide bayanat bergen.

Xewerde yene, taliban qoralliq teshkilatining bu qétimqi hujumgha mes'ul ikenlikini bildürgenliki, bir hepte burun, talibanlarning etiyaz pesillik hujum bashlaydighanliqini élan qilghanliqi qatarliqlarmu tilgha élin'ghan.