Түркийәдики җамаәт әрбаби абдуқадир япчан шәртлик қоюп берилди

Мухбиримиз әркин
2019.05.03
Share on WhatsApp
Share on WhatsApp

Икки йерим йилдин бери түркийә аманлиқ даирилири тәрипидин назарәт астида тутуп турулуватқан атақлиқ җамаәт әрбаби абдуқадир япчан 3‏-май күни түркийә әдлийә тармақлири тәрипидин шәртлик қоюп берилгән. Абдуқадир япчан буниңдин 2 йерим йил аввал хитай әлчиханисиниң “террорлуққа четишлиқ” дәп әрз қилиши билән нәзәрбәнд астиға елинған. У түркийәниң булғарийә чеграсидики әдирнә көчмәнләрни тутуп туруш мәркизидә тутуп турулуватқан иди. Абдуқадир япқан бу 2 йерим йил җәрянида аз дегәндә 3 қетим сот мәһкимисигә чиқирилған. Биринчи қетимлиқ сотта у гунаһсиз, дәп елан қилинған болсиму, лекин даириләр уни қоюп беришни изчил арқиға сүрүп кәлгән. Түркийәдики “шәрқий түркистан” тәшкилатлириниң илгири сүрүшичә, униң 2 йерим йилдин бери изчил тутуп турулуши пәқәт сиясий қарар болуп, хитайниң бесими билән мунасивәтлик икән.

Түркийәдики “әйнәк тори” ниң хәвиридә ашкарилинишичә, истанбулдики бир сот мәһкимиси 3‏-май күни униң шәртлик қоюп берилишини қарар қилип, униң сотини 9‏-айға кечиктүргән. Сотниң қарарида, униң шуниңғичә истанбулниң сафакөй районидики мәһәллиси әтрапида һәрикәт қилса болидиған, әмма униң сиртиға чиқса болмайдиғанлиқи бәлгиләнгән. Абдуқадир япқан 3-май күни сот мәһкимисиниң алдида өткүзүлгән ахбарат йиғинида сөз қилип, хитайниң униңға артқан “җинайәтлири” ни рәт қилған. У “һәқиқәткә күч вә қоралниң ишлимәйдиғанлиқи. . . . . . . . . Һәққанийәтниң һамини ғәлибә қилидиғанлиқи” ни билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.