4 Дөләтниң афғанистан тинчлиқи бойичә кабулда өткүзүлгән сөһбити нәтиҗисиз ахирлашқан

Мухбиримиз қутлан
2016-01-18
Share

Ройтерс агентлиқиниң хәвиригә қариғанда, афғанистан, пакистан, америка вә хитайдин ибарәт 4 дөләтниң афғанистан тинчлиқи бойичә кабулда өткүзүлгән сөһбити бүгүн ахирлашқан.

Хәвәрдә дейилишичә, талибан тәрәп тинчлиқ сөһбитигә вәкил әвәтмигән. Афғанистан ташқи ишлар министири салаһуддин раббани ечилиш нутқида: “талибанларниң тинчлиқ үчүн чақирилған бу сөһбәт үстилигә вәкил әвәтмәслики, уларниң афған хәлқи нәзиридики образини йәниму хунүкләштүриду, халас” дегән.

Мәзкур сөһбәтниң әслидики дипломатик нишани һазирқи афғанистан һөкүмити билән талибан вәкиллирини биваситә учраштуруп, уларни мурәссәгә кәлтүрүш болсиму, әмма талибан тәрәпниң вәкил әвәтмәслики билән мәзкур сөһбәт нәтиҗисиз ахирлашқан.

Мәлум болушичә, 2014-йилиниң ахирида афғанистанда туруватқан чәтәл армийилири чекиндүрүлгәндин кейин, талибан күчлириниң һуҗуми күчәйгән. Нөвәттә талибан күчлириниң афғанистанда әмәлий контрол қилип турған территорийәси 2001-йилидин буянқи әң чоң даиригә йәткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт