4 Döletning afghanistan tinchliqi boyiche kabulda ötküzülgen söhbiti netijisiz axirlashqan

Roytérs agéntliqining xewirige qarighanda, afghanistan, pakistan, amérika we xitaydin ibaret 4 döletning afghanistan tinchliqi boyiche kabulda ötküzülgen söhbiti bügün axirlashqan.

Xewerde déyilishiche, taliban terep tinchliq söhbitige wekil ewetmigen. Afghanistan tashqi ishlar ministiri salahuddin rabbani échilish nutqida: “Talibanlarning tinchliq üchün chaqirilghan bu söhbet üstilige wekil ewetmesliki, ularning afghan xelqi neziridiki obrazini yenimu xunükleshtüridu, xalas” dégen.

Mezkur söhbetning eslidiki diplomatik nishani hazirqi afghanistan hökümiti bilen taliban wekillirini biwasite uchrashturup, ularni muressege keltürüsh bolsimu, emma taliban terepning wekil ewetmesliki bilen mezkur söhbet netijisiz axirlashqan.

Melum bolushiche, 2014-yilining axirida afghanistanda turuwatqan chet'el armiyiliri chékindürülgendin kéyin, taliban küchlirining hujumi kücheygen. Nöwette taliban küchlirining afghanistanda emeliy kontrol qilip turghan térritoriyesi 2001-yilidin buyanqi eng chong da'irige yetken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar