خىتاي ئارمىيىسى ئافغانىستاندا چارلاش ئېلىپ بارغانلىقى ھەققىدىكى خەۋەرنى ئىنكار قىلغا

مۇخبىرىمىز ئىرادە
2016-12-01
Share

رويتېرس ئاگېنتلىقىنىڭ خەۋەر قىلىشىچە، يېقىندا ھىندىستاننىڭ WION ناملىق بىر خەۋەر تورى بىر پارچە رەسىملىك خەۋەر تارقىتىپ، ئافغانىستاننىڭ شەرقىي شىمالىي قىسمىغا توغرا كېلىدىغان ۋە شۇنداقلا ئۇيغۇر دىيارى بىلەن چېگرىلىنىدىغان كىچىك پامىر رايونىدا خىتاي خەۋپسىزلىك قىسىملىرىنىڭ چارلاش ئېلىپ بېرىۋاتقان بولۇشى مۇمكىنلىكىنى ئىلگىرى سۈرگەن. بۇنىڭ بىلەن، خىتاي مۇداپىئە مىنىستىرلىقى چارشەنبە كۈنى بايانات بېرىپ، خەۋەرنىڭ پاكىتقا ئۇيغۇن ئەمەسلىكىنى بىلدۈرگەن.

بىراق، خىتاي مۇداپىئە مىنىستىرلىقى باياناتچىسى ياڭ يۈجۈن سۆزىدە يەنە، خىتاي-ئافغانىستان ئىككى تەرەپنىڭ تېررولۇققا ۋە چېگرا ھالقىغان جىنايەتلەرگە قارشى ئورتاق كۈرەش قىلىدىغانلىقىنى، يېقىنقى يىللاردىن بۇيان ئىككى تەرەپنىڭ چېگرا مۇداپىئە ھەمكارلىقىنى كۈچەيتىش ھەققىدىكى كېلىشىملىرىگە ئاساسەن بىر قىسىم ھەرىكەتلەرنى ئېلىپ بارغانلىقىنى بىلدۈرگەن بولسىمۇ ئەمما ئېنىق دېتاللىرى ئۈستىدە توختالمىغان.

مەلۇم بولۇشىچە، بۇ خەۋەرنى ئافغانىستان ھۆكۈمىتىمۇ ئوخشاشلا ئىنكار قىلغان.

رويتېرس ئاگېنتلىقى خەۋىرىدە، خىتاي ھۆكۈمىتىنىڭ ئافغانىستاندىكى مۇقىمسىزلىقنىڭ ئۆزىنىڭ چېگرا رايونى ۋە ئۇيغۇر مۇسۇلمانلىرىنىڭ يۇرتى بولغان شىنجاڭغا تەسىر كۆرسىتىشىدىن قاتتىق ئەندىشە قىلىپ كەلگەنلىكىنى ئەسكەرتكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت