Афғанистанда йүз бәргән йәр тәврәш уйғур елигиму тәсир көрсәткән

Мухбиримиз җүмә
2015-10-28
Share

Дүшәнбә күни афғанистанда йүз бәргән 7.5 Бал йәр тәврәш уйғур елиниң қәшқәр, хотән, ақсу вә атуш районларғиму тәсир көрсәткән.

Мәзкур районлардики аһалиләр шу күни йеник дәриҗидики тәврәшни һес қилғанлиқини билдүрүшкән.

Қәшқәрниң мәлум йезисидики бир йәрлик киши шу җай вақти 26-өктәбир чүштин кейин йәрниң бир силкип өтүп кәткәнликни билдүрди.

26-Өктәбир афғанистанниң ташқорған билән чегрилинидиған бәдәһшан өлкиси вә әтраптики районларда 7.5 Бал йәр тәврәп, 385 адәмниң һаятидин айрилғанлиқи, нәччә миң адәмниң яриланғанлиқи хәвәр қилинған иди.

Бу қетимқи йәр тәврәш пакистандиму охшаш вақтта көрүлгән, йәр тәврәштә 147 мәктәпни өз ичидә алған 10 миң еғиз өй өрүлгән. Кәшмирдиму 3 адәм өлгән.

Һалбуки, уйғур елидә көрүлгән йәр тәврәштә өлүм-йетим һадисиси көрүлмигәнлики мәлум.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт