72 Yilliq sürgünlük tarixidin kéyin ahista türkliri türkiyege yerlishish pursitige érishken

Muxbirimiz qutlan
2016-11-20
Share

Türkiye taratqulirining ilgiri sürishiche, yéqinda ukra'inadin yolgha chiqqan 99 a'ilidiki 529 neper ahista türkliri türkiyening erzinjan wilayitige yétip kelgen.

Bu sabiq sowétler ittipaqining herqaysiy ittipaqdash jumhuriyetlirige chéchiwétilgen ahista türklirining türkiyege köchürüp kélin'gen 4-türkümi iken.

Türkiye awazi radiyosining bu heqtiki xewirige qarighanda, jumhurre'is erdoghan bilen bash minister binali yildirim 70 nechche yilliq sersanliq qismitini béshidin köchürgen ahista türklirini türkiyege yerleshtürüsh heqqide alahide yolyoruq bergen. Aldinqi üch türkümde ahista türkliridin 1206 kishi türkiyege élip kélinip yerleshtürülgen.

Bu qétim türkiyege élip kélin'gen ahista türkliri türkiye awazi radiyosining ziyaritini qobul qilip, özlirining 70 nechche yilliq sersanliqtin kéyin ana wetinige qaytip kélishke muyesser bolghanliqini, bolupmu perzentlirige öz wetinide yashash hoquqini qayturup bergenlikidin cheksiz xoshal ikenlikini bildürgen.

Melumki, ahista türkliri 1944-yili noyabirda stalinning buyruqi bilen ahista rayonidin sowét ittipaqining ottura asiya jumhuriyetlirige köchürüp bérilip chéchiwétilgen. Ular 70 nechche yildin buyan qazaqistan, özbékistan, qirghizistan, ukra'ina qatarliq jaylarda sersan-sergerdan bolup körmigen küni qalmighan. Stalin eyni waqitta ahista türklirini xuddi kafkaziyediki chéchin, in'gush, qarachay we qirimdiki tatarlargha oxshash "urush mezgilide gérmanlar bilen hemkarlashqan" dégen bahane bilen pütün millet gewdisi boyiche sürgün qilghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet