Хәлқара өй иҗарә ширкити ‏‏-Airbnb ниң хитайда уйғурларниң кәмситилишигә йол қоймаслиқи тәләп қилинди

Мухбиримиз әркин
2019-05-03
Елхәт
Пикир
Share
Принт

Америкадики хәлқара өй иҗарә бериш ширкити ‏-аирбнб ниң хитайдики өй иҗарә бәргүчи херидарлириниң уйғурларни кәмситишигә йол қоймаслиқи, униң дәрһал баянат елан қилип, бу хил қилмишни тәнқид қилиши тәләп қилинди. Америкадики «вайрид» намлиқ ахбарат ториниң ашкарилишичә, мәзкур ширкәтниң хитайдики херидарлириниң өй иҗарә бериш һәққидики еланлирида уйғур тибәт вә башқа аз санлиқ милләтләргә өй иҗарә бериши рәт қилинип, бу милләтләр ашкара кәмситилмәктикән.

Хәвәрдә, уйғурларниң узундин бери саяһәт қилишта қийинчилиққа учрайдиғанлиқи, сақчиларниң паракәндичилики вә кәң тарқалған ирқчилиқ уларниң меһман сарайларда йетишини чәкләп келиватқанлиқи билдүрүлгән. Хәвәрдә, чоңчиңдики икки еғизлиқ бина өйини иҗаригә чиқарған бир хитай пуқрасиниң сөзи нәқил кәлтүрүлгән болуп, униң «уйғур болсиңиз иҗаригә алмаң, сақчихана уйғурға өй иҗарә беришимизға рухсәт қилмайду» дегәнлики тәкитләнгән. Чоңчиңдики йәнә бир хитай иҗарикәшниң еланида болса «йәрлик бәлгилимә сәвәблик өй тибәт вә уйғур меһманларға иҗаригә берилмәйду» дейилгән. Қәйт қилинишичә, улар уйғурларни чәкләйдиған бундақ еландин 35 ни тапқан.

Хәвәрдә дейилишичә, Airbnb ширкити улар байқиған бу еланларниң йеримини өчүрүп ташлиған болсиму, әмма буниңға пикир билдүрүшни рәт қилған. Хәвәрдә йәнә, бу хил кәмситиш қилмиши кишилик һоқуқ тәшкилатлириниң тәнқидигә учриғанлиқи, бу ширкәтниң байқут қилиниш хәвпигә дуч келиши мумкинлики билдүрүлгән. Хәвәрдә қәйт қилинишичә, кишилик һоқуқни көзитиш тәшкилатиниң алий дәриҗилик тәтқиқатчиси мая ваң, «улар хитайда аз санлиқ милләтләргә қарши йүз бериватқан ирқчилиқ вә кәмситиш қилмишлириға һәссә қошмаслиқи керәк» дегән. Австралийәлик уйғуршунас җеймис лейболд аирбнб ниң бу хил очуқ-ашкара кәмситишни дәрһал тәнқид қилиши керәкликини билдүрүп, «униң нами вә торини қоллинип, башқиларни кәмситишкә урунған һәрқандақ еланни өчүрүп ташлиши керәк» дәп көрсәткән.

Пикирләр (0)
Share
Толуқ бәт