Tonulghan öktichi sen'etkar ey wéywéy Uyghur élidiki lagérlarni “21-Esirdiki qorqunchluq bir hadise” dédi

Xitaydin sürgün qilin'ghan tonulghan öktichi sen'etkar ey wéywéy amérika s n n téliwiziyesining ziyaritini qobul qilghanda Uyghur élidiki lagérlar üstide toxtaldi. U sözide özining Uyghur élida chong bolghanliqini we Uyghur élida kishilerning lagérlargha qamilip, öz iradisige xilap halda kompartiyening idiyisini öginishke mejburliniwatqanliqini bildürgen we uni “Bu 21-esirde yüz bériwatqan qorqunchluq bir hadise” dep körsetken.

U sözi dawamida xitay hökümitining ta 1949-yilidin tartipla Uyghur élida mushu türdiki siyasetlerni yürgüzüp kelgenlikini ipade qilish bilen birge özining a'ilisiningmu xitay kompartiyisining mushundaq idiye özgertish yaki qayta terbiye siyasitining qurbani ikenlikini, dadisining xitay hökümiti teripidin 20 yil Uyghur élige palinip, éghir emgekke sélin'ghanliqini bayan qilghan. 

Ey wéywéy xitay kompartiyisining bundaq idiye özgertish siyasetlirini choqum meghlup bolidu, dep qaraydighanliqini ipade qilghan.

Ey wéywéy ataqliq modérnizm sen'etkari. U “Changga” namliq 2008‏-béyjing olimpik musabiqe meydanining sen'et layiheligüchisi idi. Biraq ey wéywéy xitaydiki kishilik hoquq depsendichiliklirini we xitay kompartiyisining siyasetlirini tenqidligechke 2011‏-yili tutqun qilinip, 81 kün solap qoyulghan we kéyin chet'ellerge sürgün qilin'ghan idi.