Америка хитайниң алибаба торини бу йиллиқ "яман атақлиқ базарлар" тизимликигә киргүзиду

Мухбиримиз әркин
2016-12-23
Share

Америка сода даирилири хитай интернет ширкити-алибабани бу йиллиқ начар мал сатидиған "яман атақлиқ базарлар" тизимликигә киргүзидиғанлиқини елан қилди.

Бирләшмә агентлиқиниң хәвәр қилишичә, америка сода вәкили ишханиси, алибананиң тор базири-"говбав" ниң нәшр һоқуқи оғриланған буюм вә мәһсулатларни сетиш әһвали қобул қилғусиз дәриҗигә берип йәткәнликини билдүрүп, оригинал ширкәтләр "говбав"ниң һәрикитигә наразилиқ билдүргән болсиму, әмма алибабаниң һечқандақ тәдбир қолланмиғанлиқини илгири сүргән.

Америка 2012‏-йили алибабани "яман атақлиқ базарлар" тизимликидин чиқиривәткән. Әмма бу, бәзи америка сода уюшмилириниң наразилиқини қозғиған. Улар алибабани тәкрар "пахот маллар базири"тизимликигә киргүзүшни қаттиқ тәләп қилип кәлгән иди.

Алибабаниң иҗраийә директори майкел еванс, америка сода даирилириниң қараридин әпсусланғанлиқини билдүргән. У, америка тәрәпниң қарари "әмәлий әһвалға қарап чиқирилдиму яки һазирқи сиясий муһитниң тәсиригә учридиму, буниси гуманлиқ" дегән.

Америкиниң 45‏-нөвәтлик президентлиқиға сайланған доналд трамп илгири хитайни америкиниң әқлий мүлк патинтини оғрилаш билән тәнқид қилған. У йеқинда хитайға содида қаттиқ болушни тәкитләп кәлгән иқтисадшиунас петир наварони америка дөләтлик сода кеңишиниң мәсуллуқиға тәйинлигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт