Uyghur boks mahiri alim hoshur xelq'ara kespiy boks musabiqiside héndonéziye mahirini yenggen

Muxbirimiz qutlan
2016-12-24
Share

Yéqindin buyan nami chiqishqa bashlighan Uyghur boks mahiri alim hoshurning 17-dékabir küni shangxeyde ötküzülgen xelq'ara kespiy boks musabiqiside hindonéziyelik boks chimpiyoni géyslérni yéngip chimpiyon bolghanliqi melum.

Xelq torining bu heqtiki xewirige qarighanda, bu yil iyulda ürümchide ötküzülgen xelq'ara boks musabiqiside chimpiyon bolup altun kemer taqighan alim hoshur bu nöwet shangxeyde ötküzülgen xelq'ara boks musabiqiside yene bir qétim utup chiqqan. Uning bu qétimliq musabiqide özidin her jehette üstün orunda turidighan hindonéziyelik boks chimpiyoni géyslér bilen tutushup, axirida uni yéngishi pütkül meydanni zil-zilige keltürgen.

Igilinishiche, hindonéziye mahiri géyslérning derijisi dunyadiki töt chong boks teshkilati turghuzghan ret tertipte 165-orunda tursa, Uyghur boks mahiri alim hoshur aran 520-orunda turidiken. Undin bashqa, hindonéziye mahiri géyslérning boyi égiz, yéshi alim hoshurningkidin 15 yash chong, boks tarixi téximu uzun iken. Reqibining bu qeder ewzellikliridin temtirep qalmighan alim hoshur musabiqide shiddetlik hujum qozghap, téxi 3-meydan axirlashmay turupla géyslérni urup yiqitqan.

Uyghur boks mahiri alim hoshurning bu qétimliq ghelibisi xitay tenterbiye sahesidikilerni heyran qaldurghan bolsa, xitaydiki tor betliride "Alim hoshur junggo boks tenterbiyesining kelgüsi istiqbali shinjangda" dégen qarashni yenimu küchke ige qildi, dep yazghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.