Aljériyediki amérika elchixanisimu Uyghur mesilisini tekitlidi

Muxbirimiz eziz
2020-12-31
Share

Yéqindin buyan jiddilishiwatqan amérika-xitay munasiwitidiki bir muhim téma amérikaning béyjingdiki bash elchixanisini chöridigen halda dawam qiliwatqan bolup, 30-dékabir küni bu hal aljériyediki amérika elchixanisidimu öz eksini tapti.

Buningdin bir hepte burun aljériyediki amérika elchixanisining tor bétide Uyghurlarning nöwettiki ehwali heqqide chüshenche bérilgen. Shuningdek amérika qoshma shitatliridiki ikki Uyghur résturanining Uyghur ta'amlirini waste qilghan halda nöwette xitay kompartiyesining Uyghurlargha qandaq ziyankeshlik qiliwatqanliqini keng amérika jama'‍itige tonushturiwatqanliqi xewer qilin'ghan idi.

28-Dékabir küni xitayning aljériyediki bash elchixanisi buninggha naraziliq bildürüp: "Bu qopalliq bilen bizning ichkiy ishlirimizgha arilashqanliq," dégen. Shuningdek amérika tupriqidiki musulmanlarning hazir keng kölemlik kemsitishke uchrawatqanliqini, xitaydiki Uyghurlarning bolsa "Diniy étiqad erkinlikidin toluq behrimen bolghan halda bextiyar turmush kechüriwatqanliqi" ni tekitligen.

Xitay hökümitining islam dunyasini Uyghurlar mesiliside süküt qilishqa qistawatqanliqini alahide eskertken bir qisim Uyghur analizchilar bu heqte toxtilip: "Roshenki, xitay hökümiti dawamliq islam dunyasini aldashning koyida bolmaqta. Öz perzentlirige islamiy isim qoyghan ‍uyghurlarni lagérlargha qamawatqan xitay hökümitining diniy erkinlik heqqide biljirlishi uchigha chiqqan saxtipezlik," déyishmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet