Алма ширкитиниң хитайдики узун йиллиқ мал тәминлигүчиси уйғур мәҗбурий әмгәк күчлирини ишләткән

Алма ширкитининиң хитайдики узун йиллиқ мал тәминлигүчи болған ләнз технологийә ширкитиниң уйғур мәҗбурий әмгәк күчлирини ишләткәнлики илгири сүрүлди. “вашингтон почтиси” гезитиниң 29-декабир хәвәр қилишичә, йеңи ашкарланған һөҗҗәтләрдин алма ширкитигә айфон әйники ишләпчиқиридиған ләнз технологийә ширкитиниң уйғур мәҗбурий әмгәк күчлирини йөткәп ишләткәнлики мәлум болған. Бу һөҗҗәтләрни “очуқ технологийә қурулуши” байқиған болуп, униңда миңлиған уйғур ишчилириниң ләнз технологийә ширкитиниң карханилириға йөткәлгәнликигә даир тәпсилатлар йәр алған икән.

Хәвәрдә йәнә ләнз технологийә ширкитиниң амазон вә тесланиму мал билән тәминләйдиғанлиқи, алма ширкити ләнз технологийә ширкитиниң өзлиригә уйғур мәҗбурий әмгәк күчлирини ишләтмигәнликини ейтқанқанлиқини билдургәнлики, бирақ “очуқ технологийә қурулуши” ниң дериктори кәти паулниң “мәҗбурий әмгәк алма ширкитиниң тәминат зәнҗиридә улар етирап қилғандинму кәң даиридә ишлитилиду” дегәнликини билдүргән. Хәвәрдә баян қилишичә, хитай даирилири 2019-йили ләнз тәхнологийә ширкитиниң хунәндики завутлириға уйғур мәҗбурий әмгәк күчлирини йоткигән икән.

Хәвәрдә йәнә уйғур әмгәк күчлириниң бу йил корона вируси юқуми тарқалған 2-айдиму хотән вилайитидин бу ширкәтниң хунәндики завутлириға йәнә йоткигәнликини билдүргән. Йеқинда америкадики таратқулар алма ширкитиниң америка дөләт мәҗлисидә “уйғур мәҗбурий әмгикини чәкләш қанун лайиһәси” гә қарши паалийәт елип барғанлиқини илгири сүргән. “вашингтон почтиси” ниң хәвиридә тәкитлишичә, кәти паул бу алма ширкитиниң немә үчүн бу қанунға қарши паалийәт қилғанлиқини чүшәндүрүп бериши мумкинликини билдүргән.