Amérikaning toluq qorallan'ghan bir urush paraxoti jenubiy déngizning detalashtiki rayonlirida heriket qilghan

Muxbirimiz shöhret hoshur
2019-04-11
Élxet
Pikir
Share
Print

"Bilumbérg xewerliri" we firansiye agéntliqi qatarliqlarning bildürüshiche, 9-aprél charshenbe küni amérikaning az dégende 10 dane F-35 tipliq köreshchi ayropilani bilen toluq qorallan'ghan zor herbiy paraxoti jenubiy déngizda detalashtiki rayonlarda heriket qilish arqiliq xitaygha yene bir qétim küchlük signal bergen.

Mezkur xewerlerde bayan qilinishiche, USS Wasp dep atilidighan, déngizda we quruqluqta oxshashla heriket qilalaydighan urush paraxoti charshenbe küni filippin bilen ortaq herbiy maniwér ötküzgen. Mezkur herbiy paraxot xitay özige tewelikini ilgiri sürüp igiliwalghan "Sikarboro déngiz töpiliki" ge 25 déngiz mili kélidighan yerde heriket qilghan. Gerche amérika dölet mudapi'e ministirliqi bu herikitini éniq delillimigen bolsimu, biraq etraptiki filippinliq béliqchilar tartqan körünüshlerde urush paraxotidiki küreshchi ayropilanlarning uchup-qon'ghanliqi körülgen.

Xewerlerge qarighanda, bu amérikaning toluq qorallan'ghan urush paraxoti arqiliq jenubiy déngizning seper erkinliki mesiliside xitaygha bergen éniq signali bolup hésablinidiken.

Xitay tashqi ishlar ministirliqining bayanatchisi lu kang charshenbe künidiki bayanatida bu heqte toxtilip, "Rayon'gha tewe bolmighan döletler jenubiy déngizda qalaymiqanchiliq tughdurmasliqi kérek," dégen.

Melum bolushiche, bu qétim amérika bilen filippinning birleshme manéwirigha ikki döletning 7000 neperdin artuq eskiriy küchi qatnashqan.

Toluq bet