Америка деңиз армийәси җанубий деңиз райониға авияматка әвәтип хитайни агаһландурған

Мухбиримиз сада
2019-08-07
Share

Америка деңиз армийәси "роналд реган" намлиқ авияматкисини җәнубий деңиз райониға әвәтип, хитайниң мәзкур райондики аралларни "зорлуқ билән игиливелиши" ға қарита бир агаһландуруш сигнали бәргән.

Әхпрәсс ториниң 7-авғусттики мәзкур хәвиридә дейилишичә, америка һөкүмити хитайниң җәнубий деңиз районидики территорийә "дәваси" қиливатқан дөләтләргә қарита елип бериватқан зорлуқ қилмишлиридин қаттиқ әндишәләнгән. Америкиниң бу районға авияматка әвәтиши бейҗиң даирилириниң җәнубий деңиз әтрапидики дөләтләргә бесим ишлитип, уларниң деңиз қирғиқидин анчә йирақ болмиған даиридә нефит вә тәбиий газ қезишиға қарши иғвагәрчилик һәрикити елип бериватқанлиқидин болған икән.

Америка һәрбий тәрәпниң қәйт қилишичә, "роналд реган" намлиқ авияматкиниң җәнубий деңиз райониға әвәтилиши хитайниң бу райондики зорлуқ қилмишиға қарши қилинған бир агаһландуруш икән. Америка тәрәп бу һәқтә сөз қилип, "биз бу талаш-тартишлар болуватқан бир пәйттә хитайниң хәлқара қанунларға бойсунушини, бизниң райондики мәвҗутлуқимизниң бизни җәнубий деңизниң бихәтәрлики вә муқимлиқини капаләтләндүрүшкә үндәйдиғанлиқини тәкитләп өтмәкчимиз," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт