Amérika déngiz armiyesi janubiy déngiz rayonigha awiyamatka ewetip xitayni agahlandurghan

Muxbirimiz sada
2019-08-07
Élxet
Pikir
Share
Print

Amérika déngiz armiyesi "Ronald régan" namliq awiyamatkisini jenubiy déngiz rayonigha ewetip, xitayning mezkur rayondiki arallarni "Zorluq bilen igiliwélishi" gha qarita bir agahlandurush signali bergen.

Express torining 7-awghusttiki mezkur xewiride déyilishiche, amérika hökümiti xitayning jenubiy déngiz rayonidiki térritoriye "Dewasi" qiliwatqan döletlerge qarita élip bériwatqan zorluq qilmishliridin qattiq endishelen'gen. Amérikining bu rayon'gha awiyamatka ewetishi béyjing da'irilirining jenubiy déngiz etrapidiki döletlerge bésim ishlitip, ularning déngiz qirghiqidin anche yiraq bolmighan da'iride néfit we tebi'iy gaz qézishigha qarshi ighwagerchilik herikiti élip bériwatqanliqidin bolghan iken.

Amérika herbiy terepning qeyt qilishiche, "Ronald régan" namliq awiyamatkining jenubiy déngiz rayonigha ewetilishi xitayning bu rayondiki zorluq qilmishigha qarshi qilin'ghan bir agahlandurush iken. Amérika terep bu heqte söz qilip, "Biz bu talash-tartishlar boluwatqan bir peytte xitayning xelq'ara qanunlargha boysunushini, bizning rayondiki mewjutluqimizning bizni jenubiy déngizning bixeterliki we muqimliqini kapaletlendürüshke ündeydighanliqini tekitlep ötmekchimiz," dégen.

Toluq bet