Amérika bilen rusiye süriyide urush toxtitish kélishimi hasil qildi

Muxbirimiz ümidwar
2016-09-11
Share


Amérika dölet ishliri ministiri jon kerri bilen rusiye tashqi ishlar ministiri sérgéy lawrow shenbe küni jenwede ötküzgen süriye mesilisige a'it yéngi söhbiti netijiside esed küchliri bilen öktichi küchler arisida urush toxtitish boyiche kélishim hasil qilghan.

Mezkur kélishim 12 - séntebir künidin étibaren küchke ige bolidiken.

Amérika awazining yézishiche süriye dölet agéntliqi shenbe kün suriye hökümitining rusiye we amérika arisida imzalan'ghan urush toxtishi kélishim shertlirini qobul qilghanliqini xewer qildi.

B b s agéntliqining yézishiche, türkiye we yawropa ittipaqi mezkur urush toxtitish kélishimini qarshi alidighanliqini bildürgen.

Bu qétim rusiye terep süriye hökümitining alahide rayonlardiki öktichi küchlerge qaratqan herbiy herikitini toxtitishi heqqide wede bergen.

B b s agéntliqining xewer qilishiche, urush toxtitish kélishimi hasil qilin'ghandin kéyinmu, shenbe küni süriye hökümet hawa armiyisining idlip shehiridiki bir bazargha qaratqan hem aléppo ölkisige qaratqan hawa bombardimanida kem dégende 82 adem ölgenliki öktichiler teripidin bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet