Amérika “Sériqbuya weqesi” diki meydanida özgirish bolmighanliqini bildürdi

Amérika dölet ishlar ministirliki“23 - Aprél sériqbuya weqesi” diki meydanida özgirish bolmighanliqini bildürdi we xitayni mezkur weqege chétilip qolgha élin'ghanlarning qanuniy hoquqlirigha hörmet qilishqa chaqirdi.

Bu sözlerni amérika dölet ishlar ministirlikining muweqqet mu'awin bayanatchisi patrik wentréll seyshenbe küni muxbirlarning bu heqtiki so'aligha jawab bergende ilgiri sürdi.

U mundaq dédi: biz bu zorawanliqtin bekmu epsuslanduq. Biz xitay hökümitini mezkur weqe üstidin teltöküs, ochuq - ashkara tekshürüsh élip bérishqa we qolgha élin'ghanlarning barliq qanuniy hoquqlirigha hörmet qilishqa chaqirimiz, dédi.

U yene mundaq dédi: qisqisi bizning mezkur weqe heqqidiki meydanimiz özgermidi.

Amérika dölet ishlar ministirliki 24 - apirildiki bayanatida xitay hökümiti “Térrorluq weqesi” dep küchep teshwiq qiliwatqan mezkur weqening xaraktéri heqqide toxtalmighan we Uyghur élining nöwettiki weziyitige yéqindin diqqet qiliwatqanliqini bildürgen idi.