Amérika téxnika shirketliri mehsulatlirining Uyghur élidiki nazaretke ishlitilishi küchlük munazire qozghimaqta

Muxbirimiz irade
2019-11-27
Élxet
Pikir
Share
Print

Xitayning Uyghur élidiki mutleq kontrolni ishqa ashurushta ishletken nurghun téxnikalirining amérika téxnika shirketliridin kirgüzülgen bolushi munazire qozghawatqan bir mesilige aylandi.

26-Noyabir küni "Wal-sitrit zhurnili" da keng kölemlik bir maqale élan qilindi. Uningda öz téxnika mehsulatlirini xitaydiki shirketlerge sétip bergen amérika shirketliri wasitilik bolsimu xitayning nazaret sistémisigha chétilip qélishining bu shirketlerning inawitige ziyan bériwatqanliqi bayan qilin'ghan.

Uningda körsitilishiche, Uyghur rayonida berpa qilin'ghan mutleq nazaret sistémisi asasen amérikaning Intel, Hewlett, Packard, Enterprise, Seagat qatarliq bir qatar shirketliridin sétiwalghan yuqiri téxnikiliq zapchas-détallargha tayinip turup yasalghan iken we bu shirketlerning xitaydin alghan paydisi bir qanche milyard dollar iken. Eger bu shirketler heqiqeten rayonda amérika tashqi ishlar ministiri mayk pompéyo teripidin "Bu esirning yüzige chüshken dagh" dep teswirlen'gen bu kishilik hoquq kirizisigha chétishliq dep békitilgen teqdirde, bu shirketlerning inawiti zor tesirge uchraydiken. Eger prézidént tramp xitayning nazaret sistémisigha qarshi yenimu küchlük tedbirlerni alsa, bu shirketlermu belgilik iqtisadiy ziyan'gha uchraydiken.

Xewerde bayan qilinishiche, Hewlett Packard Enterprise shirkitining teminligen zapchaslarning aqsu wilayitidiki nazaret sistémilirida ishlitilgenliki delilligen. Bu shirket "Wal-sitrit zhurnili" ning bu heqtiki so'aligha jawab bergende özlirining mehsulatlirini Uyghur aptonom rayon da'irilirige satqanliqini qobul qilghan, biraq uning qandaq orunda we qandaq meqsette ishlitilishige arilashmighanliqini bildürüp: "Biz bu mesilini tekshürüwatimiz," dégen.

Uyghur aptonom rayonluq hökümet yazma inkasida "Bixeterlik üchün jama'et orunlirini közitish xelq'arada ortaq qobul qilin'ghan bir heriket," dep jawab qayturghan.

Xewerde éytilishiche, yuqiriqi amérika shirketlirining héchqaysisi Uyghur rayonida biwasite tijaret qilmighan, ular peqet wasitichi shirketlerge mehsulatlirini éksport qilghan bolghachqa, ularning mehsulatlirining ishlitilish ornini kontrol qilishi qéyin iken. Shunga amérika hökümiti hazir amérikadiki téxnika shirketlirining xitaydiki shirketlerge mal sétishini yéqindin közitidighan we uninggha cheklime qoyidighan siyasetler üstide jiddiy izdenmektiken.

Amérika hökümitining xitayning Uyghur élidiki kontrol siyasitide rol oynighan 8 xitay téxnika shirkitini öz ichige alghan 28 xitay mu'essesesini "Qara tizimlik" ke élishi ene shu xil tirishchanliqlarning biri iken. Chünki "Xikwizhyon" közitish apparati yasash shirkiti "Qara tizimlik" ke élin'ghandin buyan uning amérika bilen soda qilishi qéyinliship, tartiwatqan yilliq ziyini bir milyard dollargha yétip barghan iken.

Toluq bet