Amérika-xitay soda kélishimining ijra qilinish ehwalini bahalash söhbiti kéchiktürülgen

Muxbirimiz erkin
2020-08-17
Élxet
Pikir
Share
Print

Bu yil 2-ayda imzalan'ghan amérika-xitay 1-basquchluq soda kélishimining ijra qilinish ehwalini bahalash söhbiti kéchiktürülgen.

Roytérs agéntliqining xewer qilishiche, weqedin xewerdar zatlar esli 15-awghust küni ötküzülidighan söhbetning kéchiktürülgenliki, amérika soda ministiri laytxayzér we maliye ministiri mnuchin bilen xitayning mu'awin bash ministiri lyu xé otturisida ötküzülidighan yéngi söhbet waqtining téxi békitilmigenlikini bildürgen.

Amérika bilen xitay bu yil 2-ayning 15-küni 1-basquchluq soda kélishimi imzalap, her 6 ayda bir qétim kélishimning ijra qilinish ehwalini bahalashni qarar qilghan. Kélishimde xitay amérikadin zor miqdarda yéza-igilik we énérgiye mehsulatlirini sétiwélishqa maqul bolghan idi. Roytérs agéntliqining xewiride tekitlinishiche, weqedin xewerdar zatlar söhbetning waqit jedwilidiki ixtilap we xitayning amérika mehsulatlirini téximu köp sétiwélishigha waqit bérish meqsitide kéchiktürülgenlikini ilgiri sürgen.

Xitay 1-basquchluq soda kélishimide amérikadin qoshumche 200 milyard dollarliq mehsulat sétiwélishni wede qilghan. Lékin korona wirusi seweblik sétiwélish bir mezgil tesirge uchrighan idi. Melum bolushiche, xitay yéqinqi bir qanche hepte ichide amérika yéza-igilik we énérgiye mehsulatlirini sétiwélishni kücheytken. Tramp hökümitidiki emeldarlar yéqinqi sétiwélishlardin memnun ikenliki, soda kélishimidin waz kéchish pilani yoqluqini bildürgen.

Toluq bet