Доналд трампиниң сәй йиңвен билән өткүзгән сөһбити инкас қозғиди

Мухбиримиз үмидвар
2016-12-05
Елхәт
Пикир
Share
Принт


Америка қошма шталириниң йеңидин сайланған президенти доналд трамп җүмә күни тәйвән президени сәй йиңвен билән телефонда сөзләшкән болуп, иккәйлән арисидики сөһбәт 10 минуттин ашқан,

Америка авазиниң хәвәр қилишичә, доналд трампниң сәй йиңвен билән елип барған телефон сөһбити америка-тәйвән мунасивәт тарихидики йеқинқи он нәччә йилдин буянқи бир йеңилиқ болуп, бу,1979-йилидин буян тәйвән президентиниң тунҗи қетим америкиниң йеңидин сайланған президенти билән телефон сөһбити елип бериши икән.

Доналд трамп билән демократик илғарлиқ партийисидин келип чиққан тәйвән президенти сәй йиңвенниң телефон сөһбити тәйвән, чоң қуруқлуқ вә америка мәтбуатлирида түрлүк инкасларни оттуриға чиқарди.

Шәнбә күни хитай ташқи ишлар министирликиниң баянатчиси инкас билдүрүп, хитай тәрәпниң бу иш һәққидә америкиниң мунасивәтлик тәрәплиригә қаттиқ наразилиқ инкас билдүргәнликини ейтқан.

Шу күни хитай ташқи ишлар министири ваң йиму мәтбуатларға инкас билдүрүп, бу ишни тәйвән тәрәпниң «кичик һәрикити» дәп атиған һәмдә униң хәлқара җәмийәттә шәкиллинип болунған бир җуңго вәзийитини өзгәртәлмәйдиғанлиқини әскәрткән.

Сәй йиңвен билән доналд трампниң сөһбити америка мәтбуатлириниңму инкаслирини қозғиған болуп, «вашингтон почтиси»гезитидики бир мақалидә ейтилишичә, трамп билән сәй йиңвенниң телефон сөһбити дипломатийә тәртипини бузуп ташлиған болуп, бу, буниңдин кейинки америка-хитай мунасивәтлиригә тәсир көрситиду.

Мәлумки, доналд трамп сайлам җәрянидики сөзлиридә америка-хитай сода-иқтисадий мунасивәтлири һәққидә тохталғанда хитайни көп қетим тәнқид қилған иди.

Пикирләр (0)
Share
Толуқ бәт