Америка таможна вә чегра қоғдаш идариси биңтуәнгә четишлиқ импорт маллирини чеграда тутуп қелишқа башлиған

2020-12-04
Share

Америка таможна вә чегра қоғдаш идариси "шинҗаң ишләпчиқириш-қурулуш биңтуәни" ишләпчиқарған пахта вә пахта буюмлириниң америкаға киришини чәкләш буйруқини иҗра қилишқа башлиған. "җәнубий хитай әтигәнлик почтиси" гезитиниң хәвәр қилишичә, америка таможна вә чегра қоғдаш идариси 3-декабир күни биңтуәнгә четишлиқ пахта мәһсулатлирини чеграда тутуп қалған. Америка һөкүмити 2-декабир биңтуәниниң уйғурларни "қуллар әмгики" гә салғанлиқи, униң пахта мәһсулатиниң америкаға кириши чәклинидиғанлиқини елан қилған.

Америка һөкүмитиниң қарари кишилик һоқуқ тәшкилатлириниң қарши елишиға еришкән. "җәнубий хитай әтигәнлик почтиси" гезити 4-декабир бәргән хәвиридә, юқириқи буйруқниң дәрһал иҗра қилинишқа башлиғанлиқи, америка таможниси 3-декабир импорт маллирини илгириләп тәкшүрүш үчүн тутуп қалғанлиқини билдүрди. Лекин хәвәрдә, қанчилик малниң тутуп қелинғанлиқи, тутуп қалған малларниң қайси ширкәткә тәвә икәнлики вә қандақ мал икәнлики тилға елинмиған.

"җәнубий хитай әтигәнлик почтиси" ниң тәкитлишичә, америка таможна вә чегра қоғдаш идарисиниң сабиқ әмәлдари сандлер травис вә росенберг намлиқ сода мәслиһәт орниниң мәслиһәтчиси әлис шиблес "мән импорт маллириниң тутуп қелишқа башланғанлиқи вә тутуп қелиш буйруқиға асасән бу малларниң тәминәт зәнҗиригә даир учурлар тәләп қилинғанлиқини көрдүм" дегән. Америка әмәлдарлириниң тәкитлишичә, "хитай бихәтәрлик аппаратлири уйғур мәҗбурий әмгикидин зор пайдиға еришмәктә" икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт