Amérika tamozhna we chégra qoghdash idarisi bingtu'en'ge chétishliq import mallirini chégrada tutup qélishqa bashlighan

2020-12-04
Share

Amérika tamozhna we chégra qoghdash idarisi "Shinjang ishlepchiqirish-qurulush bingtu'eni" ishlepchiqarghan paxta we paxta buyumlirining amérikagha kirishini cheklesh buyruqini ijra qilishqa bashlighan. "Jenubiy xitay etigenlik pochtisi" gézitining xewer qilishiche, amérika tamozhna we chégra qoghdash idarisi 3-dékabir küni bingtu'en'ge chétishliq paxta mehsulatlirini chégrada tutup qalghan. Amérika hökümiti 2-dékabir bingtu'enining Uyghurlarni "Qullar emgiki" ge salghanliqi, uning paxta mehsulatining amérikagha kirishi cheklinidighanliqini élan qilghan.

Amérika hökümitining qarari kishilik hoquq teshkilatlirining qarshi élishigha érishken. "Jenubiy xitay etigenlik pochtisi" géziti 4-dékabir bergen xewiride, yuqiriqi buyruqning derhal ijra qilinishqa bashlighanliqi, amérika tamozhnisi 3-dékabir import mallirini ilgirilep tekshürüsh üchün tutup qalghanliqini bildürdi. Lékin xewerde, qanchilik malning tutup qélin'ghanliqi, tutup qalghan mallarning qaysi shirketke tewe ikenliki we qandaq mal ikenliki tilgha élinmighan.

"Jenubiy xitay etigenlik pochtisi" ning tekitlishiche, amérika tamozhna we chégra qoghdash idarisining sabiq emeldari sandlér trawis we rosénbérg namliq soda meslihet ornining meslihetchisi elis shiblés "Men import mallirining tutup qélishqa bashlan'ghanliqi we tutup qélish buyruqigha asasen bu mallarning teminet zenjirige da'ir uchurlar telep qilin'ghanliqini kördüm" dégen. Amérika emeldarlirining tekitlishiche, "Xitay bixeterlik apparatliri Uyghur mejburiy emgikidin zor paydigha érishmekte" iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet