Amérikaning yéngi import belgilimisi qirghinchiliqqa chek qoymaqchi

Muxbirimiz eziz
2020-12-08
Share

Amérika tamozhna we chégra mudapi'e idarisi ötken hepte xitaydin import qilinidighan barliq paxta mehsulatlirini men'i qilish buyruqi élan qilghandin kéyin buning Uyghurlarni nishan qilghan qirghinchiliqni chekleshte aktip rol oynishi ümid qilinishqa bashlidi. Tetqiqatchilardin lawra murfiy we rayan sam imzasida "Washin'gton pochtisi" gézitining 7-dékabir sanida élan qilin'ghan bash maqalida mushu mesile sherhilinidu.

Aptorlarning qarishiche, Uyghur diyaridiki "Shinjang ishlepchiqirish-qurulush bingtu'eni" yérim aptonomiye sheklini alghan halda ghayet zor paxta bazisini mangduruwatqan bolup, amérika baziridiki paxta mehsulatliri we pemidur mehsulatlirining köp qismi mushu jaydin kélidiken. Bingtu'enning qarmiqida 14 karxana guruhi we töt mingdin artuq shirket bar iken. Yene kélip bingtu'enler xitay köchmenlirini Uyghur diyarigha yerleshtürüsh hemde lagérlar qurulushini kéngeytishtiki aktip wasitiler iken. Bingtu'enning ghayet zor kölemdiki térritoriye we bayliqni kontrol qilishi yene bir yaqtin xitay hökümitining Uyghurlarni mejburiy assimilyatsiye qilishida bekmu muhim rol oynaydiken. Shunga amérika hökümitining bingtu'endin kéliwatqan paxta mehsulatlirini men'i qilishi mahiyette nöwettiki Uyghurlarni asas qilghan mejburiy emgekni chekleshte bekmu muhim qimmetke ige iken.

Maqalida körsitilishiche, bu qétimqi import cheklimisi tajsiman wirusi hemde xelq'araning mejburiy emgek heqqidiki eyibleshliri tüpeylidin xitaydin qoshna döletlerge köchürülüwatqan zawutlarning köpiyishini téximu yuqiri pellige chiqirishi mumkin iken. Emma buning Uyghur diyaridiki kishilerge nisbeten eks tesiri yoq iken. Chünki xitay hökümiti dawamlashturuwatqan mejburiy emgekte yalghuz iqtisadiy menpe'etla közlen'gen bolmastin, yene bu arqiliq medeniyet qirghinchiliqi emelge ashurulmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet