Америка хитайдин киргән 4000 дин артуқ компютерни мәҗбурий әмгәккә четишлиқ дәп тутуп қалған

Мухбиримиз ирадә
2020-08-06
Елхәт
Пикир
Share
Принт

Америка чегра даирилири хитайдин киргүзүлгән 4000 дин артуқ тиз компютерини (Laptop) уйғур елидики мәҗбурий әмгәккә четишлиқ, дәп тутуп қалған.

Американиң «ABC» телевизийәсиниң бу һәқтики хәвиридин қариғанда, американиң алабама штатидики мәктәпләр үчүн заказ қилинған бу тиз компютериға қураштурулған парчилар хитайниң «хефей битланд учур техника чәклик ширкити» тәрипидин ишләп чиқирилған болуп, бу дәл америка һөкүмити тәрипидин уйғурларниң қул әмгикигә селинишиға четишлиқ дәп җазаланған хитай ширкити вә муәссәсиләрниң бири.

Мәктәпниң мудири алан косбиниң ABC хәвәрлиригә ейтишичә, алабама штатиниң етова районидики мәктәпләр бу йил күз пәсиллик оқу-оқутуш хизмәтлириниң тор арқилиқ елип берилиши үчүн техникилиқ ярдәмни үстигә алған «Trinity3 Technology» ширкити арқилиқ бу тиз компютерлирини сетивалған. Америка чегра даирилири мәктәп даирилиригә бу компютерларниң тутуп қелинғанлиқини билдүргәндин кейин улар заказни әмәлдин қалдуруп, башқа ширкәт арқилиқ йеңи бир түркүм компютерларни заказ қилған.

Америка һөкүмити уйғурларниң уйғур ели вә хитай өлкилиридики завутларда мәҗбурий әмгәкчиләргә айландурулуш мәсилисигә диққәт қиливатқан болуп, у өткән өктәбирдә вә бу йил 7-айда айрим-айрим һалда 28 вә 11 хитай ширкәт вә муәссәсини уйғурларни қул әмгикигә селишқа четишлиқ болғанлиқи үчүн қара тизимликкә алған вә һәрқандақ америка ширкити вә органлириниң улар билән тиҗарәт қилишини чәклигәниди.

Пикирләр (0)
Share
Толуқ бәт