Америка уйғур бирләшмиси вә уйғур кишилик һоқуқ программиси өз ара бир-биридин айрилип чиқти

Мухбиримиз әркин
2015-08-19
Share

Америка уйғур бирләшмиси билән уйғур кишилик һоқуқ программиси чаршәнбә күни баянат елан қилип, бу икки органниң өз ара бир-биридин айрилип чиққанлиқини җакарлиди.

Америка уйғур бирләшмисиниң көрситишичә, мәзкур органниң һәйәтләр кеңиши 16‏-авғуст йиғин чақирип, бу икки органни өз ара айришни қарар қилған.

Қандақ конкрет амил бу икки органниң айрилишиға сәвәб болғанлиқи намәлум. Лекин америка уйғур бирләшмиси рәиси алим сейтоф, мәзкур қарарни "америка уйғур җамаетигә нисбәтән яхши тәрәққият, униң мәқсити уйғур хәлқиниң кишилик һоқуқ һәрикитини техиму яхши алға сүрүш" дегән.

Униң қәйт қилишичә, бу икки орган өз ара айрилиш арқилиқ өзлириниң хизмәт нишанини өзлиригә тәәллуқ вәзипиләргә мәркәзләштүрүдикән.

У, америка уйғур бирләшмисиниң нуқтилиқ җамаәт ишлирини қилидиғанлиқи, кишилик һоқуқ программисиниң нуқтилиқ кишилик һоқуқ тәтқиқати, доклат йезиш вә тәкшүрүш хизмити билән шуғуллинидиғанлиқини билдүргән.

Америка уйғур бирләшмиси 1998‏- йили қурулған. Уйғур кишилик һоқуқ программиси униң қармиқидики орган болсиму, бирақ у америка демократийини алға сүрүш фондиниң паалийәт хираҗити билән тәминлишидә мустәқил паалийәт қилип кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт