Amérika Uyghur birleshmisi we Uyghur kishilik hoquq programmisi öz ara bir-biridin ayrilip chiqti

Muxbirimiz erkin
2015-08-19
Élxet
Pikir
Share
Print

Amérika Uyghur birleshmisi bilen Uyghur kishilik hoquq programmisi charshenbe küni bayanat élan qilip, bu ikki organning öz ara bir-biridin ayrilip chiqqanliqini jakarlidi.

Amérika Uyghur birleshmisining körsitishiche, mezkur organning hey'etler kéngishi 16‏-awghust yighin chaqirip, bu ikki organni öz ara ayrishni qarar qilghan.

Qandaq konkrét amil bu ikki organning ayrilishigha seweb bolghanliqi namelum. Lékin amérika Uyghur birleshmisi re'isi alim séytof, mezkur qararni "Amérika Uyghur jama'étige nisbeten yaxshi tereqqiyat, uning meqsiti Uyghur xelqining kishilik hoquq herikitini téximu yaxshi algha sürüsh" dégen.

Uning qeyt qilishiche, bu ikki organ öz ara ayrilish arqiliq özlirining xizmet nishanini özlirige te'elluq wezipilerge merkezleshtürüdiken.

U, amérika Uyghur birleshmisining nuqtiliq jama'et ishlirini qilidighanliqi, kishilik hoquq programmisining nuqtiliq kishilik hoquq tetqiqati, doklat yézish we tekshürüsh xizmiti bilen shughullinidighanliqini bildürgen.

Amérika Uyghur birleshmisi 1998‏- yili qurulghan. Uyghur kishilik hoquq programmisi uning qarmiqidiki organ bolsimu, biraq u amérika démokratiyini algha sürüsh fondining pa'aliyet xirajiti bilen teminlishide musteqil pa'aliyet qilip kelgen.

Toluq bet