Amérika döletliri ishliri ministirining yardemchisi özbékistanni ziyaret qildi

Amérika dölet ishliri minisitirining siyasiy ishlar boyiche yardemchisi tomas shénnon jüme küni özbékistanni ziyaret qilghan we bu jeryanda semerqendke bérip, merhum özbékistan prézidénti islam kerimofning qebrisige gül qoyghan.

Ottura asiyada rus tilida tarqitilidighan perghane uchur toridiki xewerde ilgiri sürülüshiche, tomas shénon'gha özbékistan tashqi ishlar ministiri abduleziz kamilow we amérikaning özbékistandiki bash elchisi hemseper bolghan.

Xewerde éytilishiche, amérika yardemchi dölet ishliri ministiri tomas shénnon özbékistan tashqi ishlar ministiri kamilow bilen ikki dölet siyasiy, soda - iqtisad, medeniyet alaqiliri we bashqa sahelerge a'it mesililer boyiche söhbet ötküzgen.

Melumki, özbékistanda bu yil 12 - ayda prézidént saylimi ötküzülidighan bolup, nöwette namzat körsitish bashlan'ghan. Özbékistanda bolghusi saylamning démokratik ölchemlerge layiq ötüshi we xelqning özi arzu qilghan kishini saylap chiqish mesilisi diqqet qozghimaqta.