Amérika-xitay arisida tajsiman wirus atalghusi heqqide yéngi bir küresh bashlandi

Muxbirimiz irade
2020-03-18
Élxet
Pikir
Share
Print

Xitay oxshimighan yollar arqiliq amérikagha "Tajsiman wirusning menbesi" dep töhmet qilghandin kéyin amérika rehberliri mezkur wirusni "Wuxen wirusi" we "Xitay wirusi" dep atash arqiliq xitayning töhmitige jawab qayturdi.

17-Mart küni amérika prézidénti donald tramp tiwittirda uchur yollap "Xitay wirusining tesirige uchrighan amérika shirketlirige zor küch bilen yardem bérimiz," dégendin kéyin amérikadiki bir qisim orun we shexsler prézidént trampni "Irqchiliq qildi, bu amérika-xitay munasiwetlirige ziyanliq" dep tenqid qilghanidi.

Biraq u shu kün axsham muxbirlarning bu heqtiki so'aligha jawab bergende "Amérika-xitay munasiwetlirige ziyan bériwatqan men emes, eksiche wirusni amérikagha artmaqchi bolghan xitaydur" dep jawab berdi.

Shu küni axsham yene amérika tashqi ishlar ministirliqimu özining yazma bayanatliridimu "Korona wirusi" ning ornigha "Wuxen wirusi" dégen sözni resmiy ishlitishke bashlidi. Mayk pompéyo buningdin ilgirirek "Wuxen wirusi" dégen sözni ishletken.

Yéqinda xitay tashqi ishlar ministirliqining bayanatchisi jaw lijyen tiwittirda uchur yollap: "Tajsiman wirusni 2019-yili wuxen shehiridiki herbiyler tenterbiye musabiqisige qatnishishqa kelgen amérika eskerliri wuxen'ge tarqitiwétip qaytip ketken" dégendin kéyin xelq'arada qattiq eyibleshke duch kelgen. Amérika tashqi ishlar ministirliqi bu munasiwet bilen xitayning amérikadiki bash elchisi süy tyenkeyni chaqirtip, uninggha keskin ibariler bilen yézilghan naraziliq notisi tapshurghan idi. Shundin buyan amérikada wuxendin tarqalghan bu wirusni "Xitay wirusi" yaki "Wuxen wirusi" dep atash heqqide küchlük munazire qozghaldi.

Toluq bet